Holli Mølle er i finalen
Gjennom hausten har alle regionskontora til Innovasjon Noreg delt ut ein bedriftsutviklingspris i landbruket for sin region. Tre finalistar kjempar no om den nasjonale prisen på 250 000 kroner. En av dei er Holli Mølle.
Alle regionvinnarane er med i konkurransen om den nasjonale prisen som vert delt ut på mat- og landbruksmessa Internationale Grüne Woche i Berlin i januar 2024. Tre finalistar kjempar no om den nasjonale prisen på 250 000 kroner.
Dette er finalistene
Holli Mølle AS
Hos Holli Mølle AS i Spydeberg foredlar dei økologisk, norsk korn frå heile 55 ulike kornprodusentar til nye, gode kornprodukt som stadig fleire kundar har fått sansen for. Med langsiktig og innovativ tilnærming nyttar dei gardens ressursar på ein lønnsam måte.
Holli Mølle vant bedriftsutviklingsprisen i landbruket for Viken.
Bonsak Malt
Bodil Oust og Tyson Weaver har motbevisa myta om at produksjon av kvalitetsmalt på norsk korn er umogleg. Bodil overtok heimgarden Kjesbu Nedre i Skogn i Levanger for ti år sidan. Sidan den gong har ho gradvis satsa på foredling av eiget korn til malt.
Bonsak Malt vant bedriftsutviklingsprisen i landbruket for Trøndelag.
Åkerkvinnene
Dei seks gründerbedriftene som utgjer fellesskapet Åkerkvinnene ligg som perler på ei snor frå Helgeroa til Stavern. Dei har vist at nettverk og samarbeid kan gjere dei små enkeltbedriftene sterkare. Felles profilering har vore bra både for fellesskapet og for den enkelte verksemda.
Åkerkvinnene vant bedriftsutviklingsprisen i landbruket for Vestfold og Teølemark.